2021 թվականի սեպտեմբեր ամսից Երևանի պետական տնտեսագիտական համալսարանի «Մաքսային վարչարարություն» մագիստրոսական ծրագրում ընդգրկված է «Կանաչ մաքսատուն» առարկան: Առարկայի ներդրումն իրականացվել է ՀՓՓ ծրագրի երկրորդ փուլի ոչ ներդրումային բաղադրիչի շրջանակներում: «Կանաչ մաքսատուն» նախաձեռնությունը, ինչի դասավանդմանը նվիրված էր հուշագիրը, նպատակ է հետապնդում՝ կանխելու շրջակա միջավայրի վրա ազդեցություն ունեցող ապրանքների և նյութերի ապօրինի առևտուրը, ինչպիսիք են օզոնաքայքայիչ նյութերը, թունաքիմիկատները, վտանգավոր թափոնները, գենետիկորեն ձևափոխված օրգանիզմները, վայրի կենդանտեսակներն ու բուսատեսակները:

Յուրաքանչյուր տարի հոկտեմբերի 14-ին աշխարհում նշվում է Ստանդարտների համաշխարհային օրը, որը հնարավորություն է տալիս համատեղ գնահատելու ամբողջ աշխարհում կամավոր տեխնիկական համաձայնագրերի մշակմամբ զբաղվող հազարավոր փորձագետների աշխատանքը, որոնք հրատարակվում են որպես միջազգային ստանդարտներ:  

2021 թվականի սեպտեմբերի 28-ին տեղի է ունեցել աշխատանքային քննարկում-հանդիպում մաքսային ծառայողների հետ: Նյութերի մաքսազերծման գործընթացում մաքսային ծառայողներն իրավական դրույթների կիրարկման ընթացքում ունեցել էին պարզաբանման անհրաժեշտություն, ինչն ապահովվեց տեղի ունեցած քննարկման արդյունքում: Օզոնային շերտի հարցերի ազգային համակարգող Լիանա Ղահրամանյանն ու ծրագրի մասնագիտական խումբը խորհրդատվություն տրամադրեցին  մաքսային ծառայողներին խնդրահարույց հարցերի վերաբերյալ: Հանդիպման ընթացքում ձեռք բերվեց պայմանավորվածություն դիմելու Հայաստանի սառնարանային ասոցացացիա սառնագենտային խառնուրդների վերաբերյալ տեղեկատվական թերթիկ պատրաստելու խնդրանքով:

Սեպտեմբերի 16-ին՝ Օզոնային շերտի պահպանության համշխարհային օրը, Հայաստանի ամերիկյան համալսարանում տեղի ունեցավ ՀՀ շրջակա միջավայրի նախարարության, ՄԱԿ-ի արդյունաբերական զարգացման կազմակերպության, «Եվրոպական երիտասարդական պառլամենտ- Հայաստան» ՀԿ-ի, և Հայաստանի ամերիկյան համալսարանի (ՀԱՀ) Յակոբեան բնապահպանական կենտրոնի հետ համատեղ կազմակերպված «Օզոնային շերտի պահպանություն» խորագրով պանելային քննարկումը` համախմբելով շուրջ 70 երիտասարդի և ոչ միայն։

Սեպտեմբերի 16-ին՝ Օզոնային շերտի պահպանության միջազգային օրը, Երևանի կենդանաբանական այգում տեղի ունեցավ «Հանուն հավասար իրավունքների» կրթական կենտրոն ՀԿ-ի հետ համատեղ կազմակերպված ««ԷկՕզոն» սառնարանային թափոնարվեստ արտ-նախագիծ» ինտերակտիվ ցուցահանդեսը:

Օզոնային շերտի համաշխարհային օրվան ընդառաջ՝ սեպտեմբերի 15-ին, «Օզոնը մեր կյանքում» կարճամետրաժ ֆիլմերի մրցույթում հաղթող ճանաչված Կոտայքի մարզի Քասախի Ռ․Գևորգյանի անվան N1 միջնակարգ դպրոցի սաները հանդիպեցին շրջակա միաջավայրի նախարար Ռոմանոս Պետրոսյանին։

Սեպտեմբերի 13-ին Օզոնային շերտի պահպանության միջազգային օրվա շրջանակներում «ԳՐԻՆԿՈ» ընկերությունը հյուրընկալել էր Արմավիրի տարածաշրջանային պետական քոլեջի «Սառնարանային տնտեսություն» մասնագիտության II և III կուրսերի ուսանողների, սեպտեմբերի 22-ին Երևանի տարածաշրջանային թիվ 2 պետական քոլեջի 15 և 27-ին Արարատի տարածաշրջանային պետական քոլեջի 10 ուսանողի:

2021 թվականի սեպտեմբերի 10-ին տեղի ունեցավ Հայաստանի Սառնարանային ասոցացիայի կողմից կազմակերպված հանդիպում-քննարկում արտակարգ իրավիճակների և շրջակա միջավայրի նախարարությունների մասնագետ գործընկերների հետ: Հանդիպմանը մասնակցում էին  ՀՀ շրջակա միջավայրի նախարարության և Օզոնի ծրագրի, ինչպես նաև քաղաքաշինության, տեխնիկական և հրդեհային անվտանգության տեսչական մարմնի և մասնավոր հատվածի ներկայացուցիչներ:

Բնապահպանական ամենահաջողված համաձայնագրերից մեկը՝ Մոնրեալի արձանագրությունը, ընդունվել է 34 տարի առաջ, համաձայն որի,  աստիճանաբար պետք է կրճատվեն արդյունաբերական քիմիական նյութերը, որոնք ոչնչացնում են Երկրի օզոնային շերտը: Մոնրեալի արձանագրության շրջանակներում  համաձայնություն ձեռք բերվեց կրճատելու քլորֆտորածխածինները (ՔՖԱ- ները)` օզոնաքայքայիչ նյութերը, որոնք կիրառվում էին սառնարաններում և այլ արդյունաբերական գործընթացներում:

2021 թ. հուլիսի 20-23-ը Բյուրականում կազմակերպվեց «Շրջակա միջավայր և առողջություն» ՀԿ-ի հետ համատեղ իրականացված «Լինե՛նք իրազեկ, պահպանե՛նք օզոնային շերտը» կրթական միջոցառումների շարքի երրորդ փուլը` «Օզոնը մեր կյանքում» չորսօրյա ամառային դպրոցը: