Օզոնի
ծրագիր

«Խոսե՜նք բնությունից». 2-րդ փուլի ամփոփիչ հանդիպում
27.03.2023

2023 թվականի մարտի 24-ին «Վարդանանք» կրթահամալիրում ամփոփվեց «Խոսե՜նք բնությունից» բնապահպանական հանդիպումների շարքի երկրորդ փուլը: Հանդիպմանը մասնակցում էին շրջակա միջավայրի նախարարի տեղակալ Տիգրան Գաբրիելյանը, նախարարության մասնագիտական ստորաբաժանումների և «Օզոնային շերտի պահպանություն» ծրագրի ներկայացուցիչները:

Նախարարի տեղակալը ողջունեց հանդիպման մասնակիցներին և ևս մեկ անգամ կարևորեց նման նախաձեռնությունների իրականացումը` դրանք որակելով անկյունաքարային էկոլոգիական կրթության և դաստիարակության հարցում: Պարոն Գաբրիելյանը հույս հայտնեց, որ նման միջոցառումները կտան ցանկալի արդյունք իրավագիտակից և շրջակա միջավայրի հանդեպ սրտացավ երիտասարդներ կրթելու գործում:

Հանդիպման ընթացքում, հիմնվելով նախկին այցերից ստացված գիտելիքների վրա, մասնակից դպրոցների սաները զեկույցների և սահիկաշարերի միջոցով ներկայացրին  իրենց տեսակետերն ու մոտեցումները ուղղված ոլորտի խնդիրներին և դրանց լուծմանը:

Միջոցառման ամփոփին Օզոնային շերտի պահպանության հարցերի ազգային համակարգող Լիանա Ղահրամանյանը անդրադարձավ օզոնային շերտի և կլիմայի փոփոխության միջև եղած կապին պատասխանելով աշակերտների կողմից բարձրացված հարցերին: