2015 թվականի հոկտեմբերի 19-ին <<ՀՀ Ֆինանսների նախարարության ուսումնական կենտրոն>> ՊՈԱԿ-ում կայացավ հերթական վերապատրաստման դասընթաց Արարատի, Շիրակի, Սյունիքի, Գուգարքի մաքսատների և մաքսային կետերի 20 մաքսային ծառայողների համար:Դասընթացների ընթացքում բարձրացվեցին այնպիսի հարցեր, ինչպիսիք են օզոնաքայքայիչ նյութերի և դրանք պարունակող սարքավորումների ոլորտի իրավակարգավորման անհրաժեշտությունը Հայաստանում, Եվրասիական տնտեսական միության (ԵԱՏՄ) անդամակցությամբ պայմանավորված օզոնաքայքայիչ նյութերի ոլորտի նոր իրավակարգավորումները, վերջիններիս անդամակցությամբ պայմանավորված օզոնաքայքայիչ նյութերի ապօրինի ներմուծման ևշրջանառության ռիսկերը: Անդրադարձ կատարվեց նաև օզոնաքայքայիչ նյութերի և դրանք պարունակող սարքավորումների ապօրինի առևտրի դեպքերի օրինակներին:
Որպես դասընթացների ամփոփում մասնակիցների համար կազմակերպվել է «Պայքար օզոնաքայքայիչ նյութերի ապօրինի առևտրի դեմ» տեսաֆիլմի ցուցադրություն և քննարկում: